Language Technologies Researcher (maternity cover)

Language Technologies Researcher (maternity cover)

Job Number

For informal discussions regarding this post, please contact Gruffudd Prys, (01248 383559; g.prys@bangor.ac.uk).

Closing date for applications: 12 May 2026

Committed to Equal Opportunities

Trosolwg

Fel rhan o broject Technoleg Cymraeg ar gyfer Llywodraeth Cymru, mae'r Uned Technolegau Iaith yng Nghanolfan Bedwyr yn datblygu ystod o adnoddau technolegol ar gyfer y Gymraeg sy’n bwydo i mewn i ddatblygiadau ym maes Deallusrwydd Artiffisial (AI).

Diben y Swydd

Gwaith yr Ymchwilydd Technolegau Iaith fydd cynorthwyo’r Uned i gyrraedd y nod hwnnw drwy gasglu data ar gyfer hyfforddi gwahanol fodelau iaith. Bydd hynny’n cynnwys casglu recordiadau o bobl yn siarad gan bartneriaid ar draws Cymru a thrawsgrifio'r data hwnnw, yn ogystal a gweithio ar setiau gwerthuso. Bydd yr Ymchwilydd hefyd yn profi a gwerthuso adnoddau technolegau iaith yr Uned megis Y Trawsgrifiwr a’i lleisiau synthetig diweddaraf. Bydd disgwyl hefyd i ddeiliad y swydd hefyd gynorthwyo gyda chydlynu gwaith interniaid, ymgysylltu â chyrff allanol a chwarae rhan yn hyrwyddo gwaith yr Uned drwy greu deunydd amlgyfrwng a chynnal Y Porth Technolegau Iaith Cenedlaethol.

Prif Ddyletswyddau a Chyfrifoldebau

• Ymgysylltu gyda rhanddeiliaid ledled Cymru i gasglu data Cymraeg at ddibenion hyfforddi modelau gan gynnwys rhai adnabod lleferydd (speech recognition).
• Trawsgrifio data lleferydd a chyfrannu at dargedau trawsgrifio’r prosiect arfaethedig.
• Defnyddio, profi a gwerthuso adnoddau technolegau iaith yr Uned, megis Y Trawsgrifiwr (trawsgrifiwr.techiaith.cymru), i gefnogi gwaith y datblygwyr a gwella profiad y defnyddwyr.
• Cynorthwyo ymchwilwyr yr Uned i ddatblygu’r egwyddorion trawsgrifio sefydledig.
• Cefnogi cynnal projectau allanol, gan gynnwys recriwtio, hyfforddi a mentora interniaid.
• Ysgrifennu adroddiadau cynnydd ar gyfer cyllidwyr.
• Hyrwyddo gwaith yr Uned trwy greu deunydd amlgyfrwng a chynnwys hyrwyddo.
• Diweddaru a chynnal Y Porth Technolegau Iaith Cenedlaethol i sicrhau bod y wybodaeth yn gyfredol ac yn hygyrch.
• Darparu cymorth a hyfforddiant ar ddefnyddio adnoddau’r Uned pan fo angen.
• Cymryd rhan mewn digwyddiadau cenedlaethol lle bo’r angen.
• Cynorthwyo gydag unrhyw ddyletswyddau eraill sy’n ymwneud â’r gwaith, yn ôl cyfarwyddyd Pennaeth yr Uned ac o fewn diffiniad y raddfa gyflog.

Dyletswyddau a Chyfrifoldebau Eraill

• Cymryd rhan mewn gweithgareddau datblygu ac adolygu perfformiad.
• Cydymffurfio â pholisïau a datganiadau’r brifysgol ar gydraddoldeb, ei pholisi Urddas wrth Weithio ac Astudio a’i Pholisi Iaith Gymraeg.
• Dyletswydd gofal cyffredinol a chyfreithiol mewn perthynas ag iechyd, diogelwch a lles, gan gymryd yr holl gamau sy’n rhesymol i sicrhau amgylchedd gwaith diogel ac iach iddo/iddi’i hun ac aelodau staff eraill, myfyrwyr ac ymwelwyr.
• Cydymffurfio â’r holl bolisïau, gweithdrefnau ac asesiadau risg perthnasol yng nghyswllt iechyd a diogelwch.
• Cydymffurfio â’r polisïau a’r dulliau gweithredu cyfreithiol a chyllidol perthnasol, a bod yn ymwybodol o’r cyfrifoldebau o ran gofynion cyfreithiol y swydd.

Gofynion Personol

Cymwysterau/Hyfforddiant

Hanfodol

• Gradd mewn maes pwnc perthnasol neu brofiad proffesiynol cyfwerth mewn maes perthnasol.

Dymunol

• Gradd uwch mewn maes pwnc perthnasol.

Profiad/Gwybodaeth

Dymunol

• Profiad o weithio ym maes Technolegau Iaith.
• Profiad o gyfrannu at brojectau cod agored.
• Profiad o fod wedi gweithio i ddatblygu technoleg lleferydd.
• Profiad mewn casglu, prosesu, a dadansoddi data iaith.
• Profiad o gydweithio gyda rhanddeiliaid neu ar brosiectau ymchwil yng Nghymru.

Sgiliau/galluoedd

Hanfodol

• Y gallu i weithio'n annibynnol ac fel rhan o dîm.

Dymunol

• Y gallu i gyfrannu i drafodaethau yn ymwneud â safoni termau.

Arall

Hanfodol

• Mae'r gallu i siarad ac ysgrifennu'r Gymraeg mewn amrywiaeth o sefyllfaoedd yn hanfodol ar gyfer y swydd hon.
• Diddordeb byw mewn Technolegau Iaith.
• Diddordeb byw yn yr iaith Gymraeg.

Cyffredinol

Mae'r brifysgol wedi ymrwymo i gefnogi a hyrwyddo cydraddoldeb ac amrywiaeth ac i greu amgylchedd gwaith cynhwysol. Credwn y gellir cyflawni hyn trwy ddenu, datblygu a chadw amrywiaeth eang o staff o nifer o wahanol gefndiroedd. Rydym yn ymdrechu i ddatblygu gweithle o bob rhan o'r gymuned waeth beth fo'u rhyw, hunaniaeth rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oedran. Rydym yn hyrwyddo ac yn hwyluso'r defnydd o'r Gymraeg trwy ein Polisi Iaith Gymraeg blaengar. Rydym yn cydymffurfio â Safonau'r Iaith Gymraeg ac wedi ymrwymo i gyfle cyfartal. Mae croeso i chi wneud cais am unrhyw swydd yn Saesneg neu Gymraeg a bydd pob cais a gyflwynir yn cael ei drin yn gyfartal.

Rydym yn aelod o siarter Cydraddoldeb rhwng y Rhywiau Athena SWAN Advance HE ac rydym wedi derbyn gwobr Arian i gydnabod ein hymrwymiad i gydraddoldeb rhywiol a'r cynnydd o wnawn o fewn polisïau, arferion a diwylliant y brifysgol. Rydym yn falch o fod yn gyflogwr hyderus o ran anabledd.

Mae’n ddyletswydd ar holl aelodau’r staff i sicrhau bod eu gweithredoedd yn cydymffurfio ag amcanion amgylcheddol cyffredinol y brifysgol a'u bod yn lleihau eu heffaith ar yr amgylchedd.

Cynigir pob swydd yn amodol ar dystiolaeth o gymhwyster i weithio yn y Deyrnas Unedig, a derbyn tystlythyrau boddhaol.

Mae gennym gyfrifoldeb cyfreithiol i sicrhau bod gennych yr hawl i weithio yn y Deyrnas Unedig cyn y gallwch ddechrau gweithio i ni.  Wrth wneud cais am y swydd hon bydd gofyn i chi egluro ar ba sail y credwch y byddwch yn gallu byw a gweithio yn y Deyrnas Unedig yn gyfreithiol ar ddyddiad dechrau’r swydd os bydd eich cais yn llwyddiannus.   Os nad oes gennych yr hawl i weithio’n rhydd mewn unrhyw swydd yn y Deyrnas Unedig eisoes, bydd unrhyw gynnig cyflogaeth y byddwn yn ei wneud i chi yn amodol arnoch chi’n cael fisa hawl i weithio.   Mae'r ddolen ganlynol yn darparu gwybodaeth am y gwahanol lwybrau fisa i gyflogaeth a'r gofynion cymhwysedd (gan gynnwys newid statws fisa lle caniateir hynny) https://www.gov.uk/browse/visas-immigration/work-visas.   Os bydd eich cais yn llwyddiannus byddwn yn trafod opsiynau fisa gyda chi ar adeg gwneud y cynnig o gyflogaeth.     

Sylwer, os derbynnir ceisiadau gan ymgeiswyr sydd ar gofrestr adleoli’r brifysgol ac sydd â sgiliau sy’n cyfateb yn weddol i ofynion y swydd, y caiff yr ymgeiswyr hynny eu hystyried yn gyntaf.